Mis liebschte Buech
Oh, du mis liebschte Buech!
mit dir chani alles läbe,
alles mache und alles säge.
Ach, du mis liebschte Buech,
was miech ich ohni dich?
Oh, du mis liebschte Buech!
Bi dir hani's gfunde und du hesch mi erlöst.
Ändlech weiss es öpper,
ändlech versteits öpper
und ändlech seits öpper.
Ach, du mis liebschte Buech,
was miech ich ohni dich?
Oh, du mis liebschte Buech!
Iz chasch aber nid eifach ufhöre,
chasch doch nid eifach fertig sii
und chasch mi nid eifach verlaa!
Ach, du mis liebschte Buech,
was mach ich ohni dich?
Ich lise di halt no einisch!